ՀՀ ՏԿԵ նախարարի տեղակալ Ասատուր Վարդանյանը մասնակցել է PDAC 2026 միջազգային համաժողովին
ՀՀ ՏԿԵ նախարարի տեղակալ Ասատուր Վարդանյանն մարտի 1-4-ը գտնվում էր Կանադայում։
Ասատուր Վարդանյանը մասնակցում էր Տորոնտո քաղաքում անցկացվող PDAC 2026 միջազգային համաժողովին։
Հայաստանյան պատվիրակության կազմում էին նաև Հայաստանի հանքարդյունաբերության և մետալուրգիայի ասոցիացիայի նախագահ Վարդան Ջհանյանն ու «Lydian Armenia» ընկերության գործադիր տնօրեն Հայկ Ալոյանը։
Համաժողովի և աշխատանքային հանդիպումների շրջանակում քննարկվել են հանքարդյունաբերության ոլորտի զարգացման միջազգային փորձը, ոլորտի արդյունավետ կառավարման մոդելները, ժամանակակից տեխնոլոգիաների կիրառումը, շրջակա միջավայրի պաշտպանության և սոցիալական պատասխանատվության հարցերը, ինչպես նաև ներկայացվել են ներդրումային միջավայրը Հայաստանում։
Առանձնահատուկ ուշադրություն է դարձվել միջազգային համագործակցության ընդլայնման, ոլորտում լավագույն փորձի փոխանակման և կայուն զարգացման միջազգային չափորոշիչների ներդրման հարցերին։
Նախարարի տեղակալը Տորոնտոյում մի շարք հանդիպումներ է ունեցել գործընկերների հետ։
Վերահաստատվել է փոխադարձ հետաքրքրվածությունը համագործակցության շարունակականության և զարգացման ուղղությամբ։



