Կայացել է ՀՀ և ՌԴ միջև միջտարածաշրջանային համագործակցության 10-րդ համաժողովը

Այսօր կայացավ Հայաստանի Հանրապետության և Ռուսաստանի Դաշնության միջև միջտարածաշրջանային համագործակցության 10-րդ համաժողովը։ Համաժողովի լիագումար նիստին մասնակցում էին ՀՀ ԱԺ նախագահ Ալեն Սիմոնյանը, ՌԴ ԴԺ ԴԽ նախագահ Վալենտինա Մատվիենկոն, ՀՀ ՏԿԵ նախարար Դավիթ Խուդաթյանը, ՀՀ մարզպետները, համայնքապետեր, ՌԴ նահանգապետեր, պաշտոնատար այլ անձիք։ 

Ողջույնի խոսքով հանդես եկան ՀՀ ԱԺ նախագահը, Վալենտինա Մատվիենկոն, ՀՀ Գեղարքունիքի և Շիրակի մարզպետները, ինչպես նաև ՌԴ Արխանգելսկի և Իրկուտսկի նահանգապետերը։ Ելույթներում երկուստեք ընդգծվել է, որ համաժողովը կարևոր հարթակ է երկու երկրների միջև առկա համագործակցության խորացման համար։ 

Նշվեց միջտարածաշրջանային կապերի ակտիվացման անհրաժեշտությունը, որը լուրջ հնարավորություն է ստեղծում մարզերի տնտեսական, մշակութային, կրթական և այլ ոլորտների զարգացման, ինչպես նաև Հայաստան-Ռուստատան բարեկամական հարաբերությունների ամրապանդման համար։ 

Նշենք, որ մինչ լիագումար նիստն այսօր կայացել են նաև մի քանի կլոր սեղան քննարկումներ, որոնց մասնակցել են ինչպես պաշտոնյաներ, այնպես էլ գործարարներ։ 

Քննարկվել են համագործակցության նոր ուղղություններ, բարենպաստ ներդրումային միջավայր ձևավորելու հետ կապված հարցեր։