Կայացել է ՏԿԵ նախարարության և ԱԶԲ-ի կողմից մշակված ռազմավարական նախագծի քննարկումը

Մայիսի 30-31-ը Երևանում անցկացվեց Ասիական զարգացման բանկի աջակցությամբ 2020-2040 թթ․ համար մշակված տրանսպորտի և առևտրի խթանման ռազմավարության նախագծի երկօրյա քննարկումներ՝ ՀՀ պետական շահագրգիռ մարմինների և կազմակերպությունների, ինչպես նաև միջազգային գործընկեր կազմակերպությունների մասնակցությամբ։ Քննարկումները կազմակերպել էր ՀՀ տարածքային կառավարման և ենթակառուցվածքների նախարարությունը և Ասիական զարգացման բանկը: 2018 թ․ Հայաստանի Հանրապետության կառավարության և Ասիական զարգացման բանկի հետ համատեղ սկիզբ է դրվել մի ծրագիր, որը նպատակաուղղված է մշակել 2020-2040 թթ․ համար տրանսպորտի և առևտրի խթանման ռազմավարությունը: Այս երկօրյա աշխատանքային քննարկումների նպատակ պատասխանատու պետական մարմինների հետ մշակված ռազմավարության հիմնական արդյունքներով կիսվելն էր, ինչպես նաև լսելու առաջարկություններ և դիտողություններ: Մայիսի 30-ի աշխատանքային քննարկումը նվիրված էր ճանապարհային ենթակառուցվածքների և ճանապարհային անվտանգության ոլորտներին: Բացման խոսքով հանդես է եկել ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը: Նախարարի տեղակալը ողջունել է հյուրերին և կարևորել նման ձևաչափով հանդիպումները և քննարկումները: Այնուհետև հանդիպմանը ներկա փորձագետները ելույթներ են ունեցել, ծավալվել է քննարկում՝ հարց-պատասխան ձևաչափով: