Էջմիածնում բացվել է թիվ 6 «Արևիկ» մսուր-մանկապարտեզի մասնաշենքը

Այսօր Էջմիածնում բացվեց թիվ 6 «Արևիկ» մսուր-մանկապարտեզի մասնաշենքը, որը նախատեսված է 145 երեխայի համար։ 

Բացման արարողությանը մասնակցում էր ՀՀ ՏԿԵ նախարարի տեղակալ Ավետիք Դարբինյանը, Արմավիրի մարզպետի տեղակալ Արամ Գրիգորյանը և այլ պաշտոնյաներ։ 

Նախարարի տեղակալը ողջունել է ներկաներին, շնորհավորել մանկապարտեզի բացման առիթով՝ նշելով, որ մանկապարտեզը հիմնանորոգվել է Կառավարության «300 դպրոց, 500 մանկապարտեզ» ծրագրի շրջանկաներում, Կառավարություն-համայնք համաֆինանսավորմամբ։ Սուբվենցիոն ծրագրի ընդհանուր արժեքը 734,078,585 ՀՀ դրամ է՝ 70% Կառավարության և 30% համայնքի համաֆինանսավորմամբ։ 

Կառուցված մասնաշենքի արժեքը կազմում է մոտ 367 մլն դրամ։ Մյուս երկու մասնաշենքերի կառուցումն ընթացքի մեջ է։