ՀՀ ՏԿԵ նախարար Դավիթ Խուդաթյանն աշխատանքային այցով Արմավիրի մարզում էր

Աշխատանքային այցով Արմավիրի մարզում էր ՀՀ ՏԿԵ նախարար Դավիթ Խուդաթյանը՝ հետևելու պետական միջոցներով և սուբվենցիոն ծրագրերով իրականացվող աշխատանքների ընթացքին: 

Մարզպետ Արգիշտի Մեխակյանի, «Ճանապարհային դեպարտամենտ» հիմնադրամի տնօրեն Արկադի Չերչինյանի համայնքապետերի և նախարարության այլ պատասխանատու պաշտոնյաների հետ դիտարկվել է մի շարք աշխատանքների կատարման ընթացքը: Առաջին կանգառը Արաքս համայնքի Ջրառատ, Լուսագյուղ, Գրիբոյեդով, Առատաշեն բնակավայրերն էին: 

Ջրառատում սուբվենցիոն ծրագրով հիմնանորոգվել է մշակույթի տունը: Այն արդեն պատրաստ է շահագործման: Այնուհետև դիտարկվել են Ջրառատ-Լուսագյուղ ճանապարհի հիմնանորոգման աշխատանքները, որոնք ընթացքի մեջ են, ինչպես նաևԳրիբոյեդով բնակավայրի կենտրոնական փողոցի ասֆալտապատման և մայթերի կառուցման աշխատանքները: 

Հանձնարարվել է հետևել աշխատանքների կատարման որակին և ժամկետների պահպանմանը։ Աղավնատուն բնակավայրում սուբվենցիոն ծրագրով իրականացվում են մանկապարտեզի հիմնանորոգման աշխատանքներ, որոնք այս պահին էլ ակտիվ ընթացքի մեջ են: 

Արմավիր համայնքում էլ հետևել է պետական համաֆինանսավորման ծրագրով հիմնանորոգվում են Արմավիր քաղաքի թիվ 11 և Խանջյան գյուղի մանկապարտեզները։ Մեծամոր համայնքի Տարոնիկ, Մրգաշատ, Ալաշկերտ և Շենավան բնակավայրերում ակտիվ շինարարություն է: 

Տարոնիկում նախարար Խուդաթյանը մասնակցել է սուբվենցիոն ծրագրով կառուցված մանկապարտեզի բացման արարողությանը: Տարոնիկցի երեխաներն արդեն կարող են հաճախել ամբողջովին նոր, լուսավոր ու հարմարավետ մանկապարտեզ: