ՀՀ ՏԿԵ նախարարությունում տեղի է ունեցել սուբվենցիայի հայտերի գնահատման միջգերատեսչական հանձնաժողովի 2025 թվականի սուբվենցիոն հայտերի քննարկման նիստը

ՀՀ Տարածքային կառավարման և ենթակառուցվածքների նախարարությունում այսօր տեղի է ունեցել ՀՀ համայնքների տնտեսական և սոցիալական ենթակառուցվածքների զարգացմանն ուղղված սուբվենցիայի հայտերի գնահատման միջգերատեսչական հանձնաժողովի 2025 թվականի սուբվենցիոն հայտերի քննարկման նիստը, որի ընթացքում քննարկվել է համայնքներից ստացված թվով 64 սուբվենցիոն փաթեթ՝ 25.06 մլրդ դրամ ընդհանուր արժեքով, որից 13.2 մլրդ դրամը ՀՀ պետական բյուջեի համաֆինանսավորումն է։ 

Քննարկման արդյունքներով 32 ծրագիր հավանության է արժանացել՝ շուրջ 8.86 մլրդ դրամ ընդհանուր արժեքով, այդ թվում՝ 4.25 մլրդ դրամ ՀՀ պետական բյուջեի համաֆինանսավորմամբ՝ 28 ծրագրի քննարկումը հետաձգվել է, 4 ծրագիր մերժվել է։