ՀՀ ՏԿԵ նախարար Դավիթ Խուդաթյանն անցկացրել է գործակարգավարական խորհրդակցություն

ՀՀ տարածքային կառավարման և ենթակառուցվածքների նախարար Դավիթ Խուդաթյանն այսօր անցկացրել է գործակարգավարական խորհրդակցություն։ Նախարարը նախ ծանոթացել է աշխատակազմի հետ, ապա նախարարի տեղակալները հակիրճ ներկայացրել են իրենց համակարգման ոլորտները։ 

ՏԿԵ նախարարության համակարգման ենթակայության տակ գտնվող կոմիտեների ղեկավարները ևս ներկայացրել են իրենց ոլորտները և ընթացքում գտնվող ծրագրերը։ 

Նախարարը Տարածքային կառավարման և ենթակառուցվածքների նախարարության աշխատակազմին հորդորել է աշխատանքը կատարել մեծ նվիրումով և չխուսափել որոշումների կայացումից։ Գործակարգավարական խորհրդակցությանն անդրադարձ է կատարվել նաև ընթացիկ ծրագրերին, նախարարության առաջիկա անելիքներին, քննարկվել են աշխատանքային այլ հարցեր ևս։