ՀՀ ՏԿԵ նախարար Գնել Սանոսյանն այցելել է «Ագարակ» ենթակայան

Սյունիքի մարզ կատարած աշխատանքային այցի շրջանակներում ՀՀ ՏԿԵ նախարար Գնել Սանոսյանն այցելել է «Ագարակ» ենթակայան։ «Ագարակ» ենթակայանը 2002-2023թթ․ եղել է փոխանջատման կետ, իսկ տրանսֆորմատորի տեղադրումից հետո դարձել է ենթակայան, որի շնորհիվ բարձրացվել է կայանի հուսալիությունը։ 

«Շինուհայր» ենթակայանից Մեղրի 1 և Մեղրի 2 էլեկտրահաղորդման գծերը միանում են «Ագարակ» ենթակայանին, որտեղից Արասբարան 1 և Արասբարան 2 էլեկտրահաղորդման գծերով էլեկտրաէներգիա է մատակարարվում Իրան։

Ենթակայանը,կախված ժամերից, կարող է 150- ից 200 մեգավատ հզորության էլեկտրաէներգիա արտահանել Իրան, սակայն ունի մինչև 300 մեգավատ հզորություն։ 

«Նորավան» ենթակայանի շահագործումից հետո «Ագարակ»ենթակայանի հետ միասին հնարավոր կլինի ընդհանուր առմամբ մինչև 500 մեգավատ հզորությամբ էլեկտրաէներգիա արտահանել Իրան, իսկ Հայաստան-Իրան 3-րդ էլեկտրահաղորդման գծի կառուցման և «Հրազդան» հանգույցի «Դդմաշեն» կայանի շահագործման պարագայում՝ կունենանք հավելյալ ևս 700 մեգավատ հզորությամբ էլեկտրաէներգիա դեպի Իրան արտահանելու հնարավորություն: