ՀՀ ՏԿԵ նախարար Գնել Սանոսյանն ընդունել է ՀՀ-ում Ղազախստանի Հանրապետության արտակարգ և լիազոր դեսպան Բոլատ Իմանբաևին

ՀՀ տարածքային կառավարման և ենթակառուցվածքների նախարար Գնել Սանոսյանն ընդունել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան Բոլատ Իմանբաևին։ 

Նախարարը ողջունել է դեսպանին և նշել, որ առկա է հայ-ղազախական լավ համագործակցություն եւ հույս հայտնել, որ այս հանդիպումն ավելի կամրապնդի և կզարգացնի երկու երկրների հարաբերությունները տարբեր ոլորտներում։ 

Բոլատ Իմանբաևը շնորհակալություն է հայտնել ընդունելության համար, խոսել նախորդ հանդիպումներին ձեռք բերված պայմանավորվածություններից, կարևորել է համագործակցության խորացումը տարբեր ոլորտներում: 

Հանդիպման ընթացքում քննարկվել են Հայաստանում ընթացող շինարարական աշխատանքներին միջազգային՝ այդ թվում ղազախական ընկերությունների ակտիվ ներգրավածության, քաղաքացիական ավիացիայի վերաբերյալ համագործացության,Ղազախստանից-Հայաստան ավտոճանապարհային ուղղությունների մի քանի տարբերակների և տնտեսական համագործակցության խորացման վերաբերյալ մի շարք կարևոր հարցեր։