Տեղի է ունեցել «Ռոյալթիներից համայնքային մասհանումների, ԱՃԹՆ-ի ստանդարտի դրույթների ամրապնդման, թափանցիկության և հաշվետվողականության ապահովման վերաբերյալ» թեմայով դասընթաց-աշխատաժողով

2022 թվականի մարտի 4-ին լրացումներ կատարվեցին «ՀՀ բյուջետային համակարգի մասին օրենքում» և «Տեղական ինքնակառավարման մասին» օրենքներում , համաձայն որոնց պետական բյուջե վճարվող ռոյալթիներից 2%-ը հատկացվում է համայնքներին՝ սոցիալ-տնտեսական զարգացման ծրագրեր իրականացնելու համար։ 2023 թվականի ընթացքում ընունվեցին նշյալ օրենքների կիրարկումն ապահովող նի շարք ենթաօրենսդրական ակտեր։ 

Սույն թվականի մայիսի 4-6-ը Համաշխարհային բանկի դրամաշնորհի աջակցությամբ Հայաստանի ԱՃԹՆ-ի հայաստանյան քարտուղարությունը Տարածքային զարգացման և ենթակառուցվածքների նախարարության հետ համագործակցությամբ կազմակերպել էր «Ռոյալթիներից համայնքային մասհանումների,ԱՃԹՆ-ի ստանդարտի դրույթների ամրապնդման, թափանցիկության և հաշվետվողականության ապահովման վերաբերյալ» թեմայով դասընթաց-աշխատաժողով։ Աշտաժողովին մասնակցում էին ՏԿԵ նախարարի տեղակալ Հովհաննես Հարությունյանը, Վարչապետի աշխատակազմի, Տարածքային կառավարման և ենթակառուցվածքների, Ֆինանսների, Շրջակա միջավայրի նախարարությունների, ԱՃԹՆ-ի բազմաշահառու խմբի անդամները, համապատասխան մարզպետարանների և համայնքների ներկայացուցիչները։ 

Աշխատաժողովի ընթացքում ՏԿԵ նախարարության աշխատակիցների կողմից մանրամասն ներկայացվեցին կատարված օրենսդրական փոփոխությունները, քննարկվեցին սոցիալ-տնտեսական ծրագրերի մշակմանն ու ներկայացմանը ներկայացվող մի շարք հարցեր։