Վարչապետին ներկայացվել է Տարածքային կառավարման և ենթակառուցվածքների նախարարության 2022թ. գործունեության կատարողականը
Վարչապետ Նիկոլ Փաշինյանն այցելել է Տարածքային կառավարման և ենթակառուցվածքների նախարարություն՝ գերատեսչության 2022թ. գործունեության հաշվետվությունը քննարկելու նպատակով: Խորհրդակցությանը մասնակցել են փոխվարչապետներ Մհեր Գրիգորյանը և Համբարձում Մաթևոսյանը, Վարչապետի աշխատակազմի ղեկավար Արայիկ Հարությունյանը, Պետական վերահսկողական ծառայության ղեկավար Ռոմանոս Պետրոսյանը, Վարչապետի աշխատակազմի պաշտոնյաներ, Տարածքային կառավարման և ենթակառուցվածքների նախարարության աշխատակազմի ղեկավար կազմը, պաշտոնատար այլ անձինք:
ՏԿԵ նախարար Գնել Սանոսյանը, փոխնախարարները, Միգրացիոն ծառայության պետը ներկայացրել են ՀՀ տարածքային կառավարման և ենթակառուցվածքների նախարարության կողմից, ըստ ոլորտային ուղղությունների, իրականացված ծրագրերն ու միջոցառումները: Տարածքային կառավարման և տեղական ինքնակառավարման ոլորտում՝ շարունակվել են վարչատարածքային բարեփոխումները. համայնքների խոշորացման գործընթացի շրջանակում 915 համայնքի փոխարեն ձևավորվել է 71 համայնք, ներկայում ընթանում են լիազորությունների ապակենտրոնացման գործընթացի շուրջ քննարկումներ: Շարունակվել է համայնքներում քաղաքացների սպասարկման գրասենյակների (ՔՍԳ) տեսքով էլեկտրոնային կառավարման համակարգերի ներդրումը. ընթացիկ տարում ՔՍԳ ստեղծվել է 7 համայնքում, ընդհանուր առմամբ այս պահին ՔՍԳ ներդրվել է 56 համայնքի 75 բնակավայրում:
Պատասխանատուները վստահեցրել են, որ շուրջ 40 պետական ծառայություն տեխնիկապես հնարավոր է իրականացնել նշված համակարգի միջոցով: Նշվել է, որ արդեն 2 տարի գործում է համայնքներին ամրացված անշարժ գույքի հարկի հավաքման էլեկտրոնային համակարգ, և արձանագրվել են բարձր ցուցանիշներ. 2022թ. 800.000 բաժանորդ համայնքային հարկերը վճարել է առցանց տարբերակով:
Կառավարության և միջազգային գործընկերների օժանդակությամբ՝ շուրջ 21.9 մլն ԱՄՆ դոլարի շրջանակում, շարունակվել է համայնքների ենթակառուցվածքային զարգացման և նյութատեխնիկական ապահովման գործընթացը: Աղբահանության ոլորտում՝ «Կոտայքի և Գեղարքունիքի Կոշտ թափոնների կառավարում» ծրագրի շրջանակում ավարտական փուլում են Հրազդանի սանիտարական աղբավայրի և Մարտունու ու Ակունքի փոխաբեռնման կայանների շինարարական աշխատանքները, հայտարարվել է հաջորդ տարի աղբամանների ձեռքբերման մրցույթը:
Մշակվել է մյուս 8 մարզում կոշտ թափոնների ինտեգրված համակարգի ներդրման ծրագրային առաջարկ, որը քննարկվում է միջազգային փորձագետների հետ, ակնկալվում է տարեսկզբին հայտարարել նախագծման մրցույթը: 2018-2022թթ. համայնքներում իրականացվել է 1897 սուբվենցիոն ծրագիր՝ շուրջ 90 մլրդ ՀՀ դրամ ընդհանուր արժեքով: Առաջատար ոլորտներն են՝ ասֆալտապատումը, լուսավորությունը, հասարակական շենքերի նորոգումը, ջրային ենթակառուցվածքների բարելավումը, մանկապարտեզները և այլն: Արդեն ստացվել են 2023թ. սուբվենցիոն ծրագրերի նախնական հայտերը. ներկայացվել է 459 ծրագիր՝ ավելի քան 112 մլրդ ՀՀ դրամ ընդհանուր արժեքով:
ՏԿԵՆ կողմից իրականացվել է 2022թ. ավարտված և երաշխիքային ժամկետում գտնվող 481 ծրագրի մշտադիտարկում, վերացվել է հայտնաբերված թերությունների 80 տոկոսը, գործընթացը շարունակվում է: Շարունակվել են ճանապարհային ցանցի վերականգնման և զարգացման ծրագրերը՝ արդիականացման, որակի և անվտանգության բարելավման միջոցով: Նշվել է, որ 2022թ. համար նախանշված՝ 500 կմ ճանապարհաշինության թիրախը գերակատարված է. ներկա դրությամբ իրականացվել է 530 կմ ասֆալտապատում: Մեծ մասը կազմել է հիմնանորոգումը, կատարվել են նաև միջին նորոգման աշխատանքներ: Նշվել են հատկապես Սյունիքի մարզում իրականացվող աշխատանքները, որոնց շրջանակում կառուցվում են նոր ճանապարհներ:
Զեկուցվել է Հյուսիս-հարավ ներդրումային ծրագրի, Ճանապարհային անվտանգության բարելավման ծրագրի ընթացքի մասին, նշվել է, որ ավարտվել են ռազմավարական նշանակության մի շարք ծրագրեր: Ներկայացվել են ընթացիկ բարեփոխումներն ու նախաձեռնությունները, ճանապարհների կառավարման և սպասարկման ուղղությամբ քայլերը: Վարչապետին զեկուցվել է 2022թ. տրանսպորտային միջոցների վրա գազաբալոնային սարքավորումների տեղադրման և պարբերական վկայագրման գործընթացի մասին. նշվել է, որ այս տարվա նոյեմբերի դրությամբ տրամադրվել է 66 լիցենզիա, ստուգաչափված է 152.000 գազաբալոն, վկայագրման ժամանակ խոտանվել է մոտ 5000 գազաբալոն, որից 4600-ը ժամկետանց է եղել և պոտենցիալ պայթյունավտանգ: Շարունակվել է նաև մյուս ոլորտներում լիցենզիաների և թույլտվությունների տրամադրման գործընթացը, այդ թվում՝ 19 լիցենզիա տեխզննման կայանների մասով: Միասնական երթուղային ցանցի ներդրման համար կազմակերպվել են մարզերի օպերատորների ընտրության մրցույթներ, որոշ մարզերում համակարգն արդեն իսկ արդիականացվում է, մյուսներում աշխատանքներն ընթացքի մեջ են: Ներկայացվել են ճանապարհային վճարների գանձման էլեկտրոնային համակարգը և դրա ներդրման ուղղությամբ տարվող աշխատանքը, երկաթուղային տրանսպորտի ոլորտում իրականացված ծրագրերը: Էներգետիկայի բնագավառում՝ շարունակվել են Հայկական ԱԷԿ-ի երկրորդ էներգաբլոկի շահագործման ժամկետի երկարացման և անվտանգության ապահովման գործընթացը, ինչի արդյունքում լիցենզիայի ժամկետը երկարաձգվել է մինչև 2031թ.:
Իրականացվել են էներգետիկ ենթակառուցվածքների վերազինման, ինչպես նաև նոր ենթակայանների կառուցման աշխատանքներ, ընթացքի մեջ են Իրան-Հայաստան և Հայաստան-Վրաստան էլեկտրահաղորդման գծերի կառուցման ծրագրերը: Մեկնարկել է բնակարանների և անհատական բնակելի տների էներգաարդյունավետ վերանորոգման աշխատանքների պետական աջակցության ծրագիրը, որի շահառուների թիվը գերազանցում է 400-ը: Մշակվել է վերականգնվող էներգետիկայի և էներգախնայողության 2022-2030թթ. ազգային ծրագիրը: Ընդերքի ոլորտում՝ 2022թ. շարունակվել է օրենսդրական դաշտի բարելավումը:
Տրամադրվել է 50-ից ավելի ընդերքօգտագործման իրավունք, իսկ զուգահեռ իրականացված վարչական վերահսկողության շրջանակում արձանագրվել է կազմակերպությունների կողմից պարտավորությունների պատշաճ կատարման դրական դինամիկա: Մշակվում է հանքարդյունաբերության ոլորտի զարգացման ռազմավարությունը: Միգրացիայի բնագավառում՝ իրականացվել են մատուցվող ծառայությունների թվայնացման աշխատանքներ և ինստիտուցիոնալ բարեփոխումներ: Ներդրվել են օտարերկրացի աշխատողների ներգրավման միասնական էլեկտրոնային հարթակը՝ workpermit.am-ը, հետընդունման (ռեադմիսիայի), փախստականների և ապաստան հայցողների հայցերի կառավարման էլեկտրոնային համակարգերը: Ավարտին է հասցվում 1988-1992թթ. Ադրբեջանից բռնագաղթած ընտանիքների բնակարանային ապահովման ծրագիրը, որը առաջին անգամ 2019 թ.-ից իրականացվել է նաև Երևանում։ Վարչապետն ընդգծել է տարածքային կառավարման և ենթակառուցվածքային բարեփոխումների առաջնահերթությունը և հետաքրքրվել մի շարք ծրագրերից ու աշխատանքներից: Կառավարության ղեկավարին մանրամասներ են ներկայացվել այդ առնչությամբ:
Մտքերի փոխանակություն է ծավալվել ըստ ոլորտների իրականացված ու նախաձեռնված միջոցառումների շուրջ, քննարկվել են հետագա անելիքները: Վարչապետի կողմից կարևորվել է սուբվենցիոն ծրագրերի որակի ապահովումը, համայնքների խոշորացման նպատակային իրականացումը, էլեկտրոնային կառավարման համակարգերի հասցեականությունը, աղբահանության գործընթացի ճիշտ կազմակերպումը, գյուղական ճանապարհների ասֆալտապատումը, ճանապարհների սպասարկման և կշռման ժամանակակից համակարգերի ներդրումը, գազալցակայանների նկատմամբ վերահսկողության խստացումը: Պատասխանատուներին տրվել են մի շարք հանձնարարականներ:
Նիկոլ Փաշինյանը նշել է ոլորտային բարեփոխումների վերաբերյալ հանրային պատշաճ իրազեկման և ակտիվ հանրային հաղորդակցության անհրաժեշտությունը:
Լրահոս
![img](https://api.mtad.am//storage/images/news/thumb/2024/07/66a0b840aa8a4-452921258_812069264443393_1060551954985178130_n.jpg)
ՀՀ ՏԿԵ նախարար Գնել Սանոսյանն ընդունել է Հայաստանում ՄԱԿ-ի մշտական համակարգող Ֆղանսուազ Ժակոբին
![img](https://api.mtad.am//storage/images/news/thumb/2024/07/66a1e107f247d-452915795_812242824426037_375985219799161641_n.jpg)
ՀՀ ՏԿԵ նախարար Գնել Սանոսյանը դիտարկել է Կիրանցի նոր կառուցվող ճանապարհի աշխատանքների ընթացքը
![img](https://api.mtad.am//storage/images/news/thumb/2024/07/669f4936c0370-452250334_811170344533285_8704142201230341601_n (1).jpg)
ՀՀ ՏԿԵ նախարար Գնել Սանոսյանն այցելել է «Մասրիկ 1» արևային ֆոտովոլտային կայան
![img](https://api.mtad.am//storage/images/news/thumb/2024/07/669f4833d178c-452373230_811105974539722_6231652060177488369_n.jpg)
ՀՀ ՏԿԵ նախարար Գնել Սանոսյանը մասնակցել է «Սևան Ստարտափ Սամմիթի 2024»-ի՝ վերականգնվող էներգետիկայի ոլորտին նվիրված պանելային քննարկմանը
![img](https://api.mtad.am//storage/images/news/thumb/2024/07/6694f9956ca14-DX4A8640.jpg)
ՀՀ ՏԿԵ նախարարի տեղակալ Վաչե Տերտերյանն ընդունել է «ԵՄ-ն հանուն կլիմայի դիմակայության» ծրագրի ներկայացուցիչներին
![img](https://api.mtad.am//storage/images/news/thumb/2024/07/66913265af8f2-IMG_2635.jpg)
ՀՀ ՏԿԵՆ ընդերքի վարչության աշխատակիցները մասնակցել են Opening Extractives ծրագրի երկօրյա աշխատաժողովին
![img](https://api.mtad.am//storage/images/news/thumb/2024/07/668f6a0ad85cb-450372563_803820185268301_3734558449873272523_n.jpg)
Տավուշի մարզ կատարած այցի շրջանակներում ՏԿԵ նախարար Գնել Սանոսյանը դիտարկել է Խաշթառակի այլընտրանքային կամրջի կառուցման աշխատանքները
![img](https://api.mtad.am//storage/images/news/thumb/2024/07/668e64e53a26b-450385557_803666261950360_5510974621394503554_n.jpg)
ՀՀ ՏԿԵ նախարար Գնել Սանոսյանն ընդունել է ՀՀ-ում ԻԻՀ արտակարգ և լիազոր դեսպան Մեհդի Սոբհանիին
![img](https://api.mtad.am//storage/images/news/thumb/2024/07/668e88f3b21a5-450313845_803766825273637_9163751066270032877_n (1).jpg)
ՀՀ ՏԿԵ նախարար Գնել Սանոսյանն այցելել է Կիրանց
![img](https://api.mtad.am//storage/images/news/thumb/2024/07/668b814d34cd7-449834386_802014775448842_2057762800612783401_n.jpg)
ՀՀ ՏԿԵ նախարար Գնել Սանոսյանը մասնակցել է «Մանթաշյանց» գործարարների ակումբի կողմից նախաձեռնած Global Business Forum 2024-ի աշխատանքային հանդիպում-քննարկմանը
![img](https://api.mtad.am//storage/images/news/thumb/2024/07/6686432c4c929-449466594_800001328983520_1076339718690645689_n.jpg)
ՀՀ ՏԿԵ նախարար Գնել Սանոսյանը ծանոթացել է Կիրանցի նոր կառուցվող ճանապարհի և կամրջի, Կիրանց-Աճարկուտ ճանապարհի հիմնանորոգման աշխատանքներին
![img](https://api.mtad.am//storage/images/news/thumb/2024/07/668b808da8118-449480505_800187928964860_2190080903957050520_n.jpg)
ՀՀ ՏԿԵ նախարար Գնել Սանոսյանը ծանոթացել է Ենոքավան - Կարմիրգյուղ հանրապետական նշանակության ավտոճանապարհի հիմնանորոգման աշխատանքներին
ՀՀ ՏԿԵ նախարար Գնել Սանոսյանն ու ԿԳՄՍ նախարար Ժաննա Անդրեասյանը մարզպետների մասնակցությամբ համատեղ խորհրդակցություն են անցկացրել
![img](https://api.mtad.am//storage/images/news/thumb/2024/06/667d78ed32b31-photo_2024-06-27_18-35-56.jpg)
«Կանանց ներգրավվածությունը հանրային-մասնավոր գործընկերության ամրապնդման գործում»․ Տեղի է ունեցել Կանանց հզորացման ակումբի չորրորդ միջոցառումը
![img](https://api.mtad.am//storage/images/news/thumb/2024/06/6678f8b33854b-448737371_793206496329670_7154625871960638694_n.jpg)
ՀՀ ՏԿԵ նախարար Գնել Սանոսյանը ծանոթացել է Կիրանցի նոր կառուցվող ճանապարհի և կամրջի շինարարության ընթացքին
![img](https://api.mtad.am//storage/images/news/thumb/2024/06/66755d7be9fe1-448680112_791859916464328_6183874522421016781_n.jpg)
Ալավերդու համայնքապետարանում տեղի է ունեցել օպերատիվ շտաբի հերթական նիստը․ Սանոսյանը նոր հանձնարարականներ է տվել
![img](https://api.mtad.am//storage/images/news/thumb/2024/06/6678f7d6bdc0a-448856046_792121376438182_5676112775475016380_n.jpg)
ՀՀ ՏԿԵ նախարարի տեղակալ Արմեն Սիմոնյանը պարգևատրել է «Ռուսական երկաթուղիներ» ԲԲԸ և «Ռոսժելդորպրոեկտ» ԲԸ ներկայացուցիչներին
ՀՀ ՏԿԵ նախարարի տեղակալ Հակոբ Վարդանյանն ընդունել է Գերմանիայի տնտեսական համագործակցության և զարգացման նախարարության (HoD) ներկայացուցիչ Անժելիկա Սուելզենի գլխավորած պատվիրակությանը
ՀՀ ՏԿԵ նախարար Գնել Սանոսյանն ընդունել է ԱՄՆ պետքարտուղարության առևտրի և բիզնեսի հարցերով հատուկ ներկայացուցիչ Սառա Մորգենթաուի գլխավորած պատվիրակությանը
![img](https://api.mtad.am//storage/images/news/thumb/2024/06/66741aa1dc326-Screenshot 2024-06-12 125053.png)
Երկօրյա վերպատրաստման առցանց դասընթացներ՝ Հայաստանի համայնքների մամուլի խոսնակների և հանրային կապերի պատասխանատուների համար
![img](https://api.mtad.am//storage/images/news/thumb/2024/06/667ec21d07733-cam axndjadzor.00_32_16_01.Still010 (1) (1).jpg)
Հայաստանում առաջին անգամ իրականացվել է անօդաչու թռչող սարքով արոտավայրերի օրգանական պարարտացման նորարարական մեթոդի ցուցադրությունը
![img](https://api.mtad.am//storage/images/news/thumb/2024/06/6668110ebdfa7-IMG_20240610_214311.jpg)
Մոնղոլիայում կայացել է ԱՃԹՆ/EITI-ի կողմից կազմակերպված «Կենտրոնական Ասիայում և Կովկասում փորձի փոխանակում և ուսուցում» խորագրով տարածաշրջանային միջոցառումը
![img](https://api.mtad.am//storage/images/news/thumb/2024/06/6662f00daab0c-DX4A8847.jpg)
ՀՀ ՏԿԵ նախարարի տեղակալներ Արմեն Սիմոնյանն ու Քրիստինե Ղալեչյանն ընդունել են ՀՀ-ում ԱՄԷ արտակարգ և լիազոր դեսպան Նարիման Ալ-Մուլլային
![img](https://api.mtad.am//storage/images/news/thumb/2024/06/665d5b38ed826-446851000_779937060989947_5474043541306275509_n.jpg)
ՀՀ ՏԿԵ նախարարի տեղակալ Հովհաննես Հարությունյանը հունիսի 1-ին հանդիպել է «Շիրակի մարզի երեխայի և ընտանիքի աջակցության կենտրոն»-ի սաներին
ՀՀ ՏԿԵ փոխնախարար Արմեն Սիմոնյանի գլխավորությամբ տեղի է ունեցել ԵԱՏՄ պետությունների տրանսպորտի ոլորտի լիազոր մարմինների ղեկավարների խորհրդի 7-րդ խորհրդակցությունը
![img](https://api.mtad.am//storage/images/news/thumb/2024/05/665d496ea151f-447028486_778790174437969_7470446091342627746_n.jpg)
ՀՀ ՏԿԵ նախարարի տեղակալ Վաչե Տերտերյանն ընդունել է Զարգացման ֆրանսիական գործակալության ներկայացուցիչներին
![img](https://api.mtad.am//storage/images/news/thumb/2024/05/66586bc819063-գլխ.jpg)
Աբովյանի համայնքապետարանում տեղի է ունեցել «Տեղական մակարդակում մասնակցային բյուջետավորման ներդրման» նպատակով ձևավորված աշխատանքային խմբի հերթական հանդիպումը
![img](https://api.mtad.am//storage/images/news/thumb/2024/05/66571c6a47aa3-գլխավոր.jpeg)
ՏԿԵՆ-ի նախաձեռնությամբ ՀՀ պետական կառավարման ակադեմիայի կողմից կիրականացվի համայնքային ծառայողների և ՏԻՄ ներկայացուցիչների վերապատրաստում
![img](https://api.mtad.am//storage/images/news/thumb/2024/05/665d4b3e1a89c-444990688_776223454694641_8200986624422235075_n.jpg)
Լոռու և Տավուշի մարզի հեղեղված համայնքներն ու բնակավայրերը Կառավարության կողմից կհայտարարվեն աղետի գոտիներ
![img](https://api.mtad.am//storage/images/news/thumb/2024/05/665d4d3357a42-446907774_776728727977447_1275492358501782682_n.jpg)