Մեկնարկել է ՀՀ մարզերի տեղական ինքնակառավարման մարմինների վերապատրաստման գործընթացը

Տեղական ինքնակառավարման մարմինների մասնագիտական գիտելիքների և աշխատանքային ունակությունների կատարելագործման նպատակով ՀՀ տարածքային կառավարման և ենթակառուցվածքների նախարարությունը «ՀՀ պետական կառավարման ակադեմիա» ՊՈԱԿ-ի հետ համատեղ սույն թվականի հուլիսի 12-ից մեկնարկել է ՀՀ մարզերի տեղական ինքնակառավարման մարմինների վերապատրաստման գործընթացը։ 

Ծրագրի շրջանակներում նախատեսվում է վերապատրաստել ՀՀ Արմավիրի, Արարատի, Արագածոտնի, Շիրակի, Կոտայքի և Գեղարքունիքի մարզերի թվով 250 համայնքների ղեկավարներ և ավագանու անդամներ։ 

Ծրագրի շրջանակներում արդեն իսկ վերապատրաստվել են թվով 179 համայնքների ղեկավարներ և ավագանու անդամներ, որոնցից 49-ը՝ ՀՀ Արմավիրի մարզում, 19-ը՝ ՀՀ Շիրակի մարզում, 47-ը՝ ՀՀ Գեղարքունիքի մարզում, 21-ը՝ ՀՀ Կոտայքի մարզում, 43-ը՝ ՀՀ Արագածոտնի մարզում։ ՀՀ Արարատի մարզի թվով 50 տեղական ինքնակառավարման մարմինների աշխատակիցների վերապատրաստումը նախատեսվում է իրականացնել նոյեմբեր ամսին։