ՏԿԵ նախարար Գնել Սանոսյանն ընդունել է «Ռոսատոմ» պետկորպորացիայի գլխավոր տնօրենի գիտության և ռազմավարության գծով տեղակալ Յուրի Օլենինի գլխավորած պատվիրակությանը

ՀՀ տարածքային Կառավարման և ենթակառուցվածքների նախարար Գնել Սանոսյանն ընդունել է «Ռոսատոմ» պետկորպորացիայի գլխավոր տնօրենի գիտության և ռազմավարության գծով տեղակալ, «ՏՎԷԼ» ԲԸ տնօրենների խորհրդի նախագահ Յուրի Օլենինի գլխավորած պատվիրակությանը։ 

Նախարարը ողջունել է հյուրերին և կարևորել «Ռոսատոմ»-ի հետ համագործակցությունը, այդ թվում գիտական, գիտատեխնիկական, կադրերի պատրաստման ոլորտում։ 

Նշվել են, որ Հայաստանը միջուկային էներգետիկայի ոլորտում գիտական ներուժ ունի և այդ ոլորտում հնարավոր է «Ռոսատոմի» հետ լավ համագործակցություն ձևավորել։ Նախանշվել է ատոմային էներգետիկայի ոլորտում նորարական տեխնոլոգիաների և լուծումների վերաբերյալ համատեղ մշակումներ իրականացնելու հնարավորությունը։ 

Հանդիպման ժամանակ քննարկվել է ատոմային նոր էներգաբլոկի կառուցման հետ կապված մի շարք հարցեր։