Փոխվարչապետն ու ՏԿԵ նախարարն այցելել են Լոռու մարզ և ծանոթացել սուբվենցիոն ծրագրերով իրականացվող աշխատանքներին

Փոխվարչապետ Համբարձում Մաթևոսյանը Տարածքային կառավարման և ենթակառուցվածքներինախարար Գնել Սանոսյանի հետ հուլիսի 2-ին աշխատանքային այց են իրականացրել Լոռու մարզ։Լոռու մարզպետ Արամ Խաչատրյանի, Ազգային ժողովի պատգամավոր Արեն Մկրտչյանի, «Ճանապարհայինդեպարտամենտ» հիմնադրամի գործադիր տնօրեն Գոռ Ավետիսյանի ու համայնքապետերի հետ փոխվարչապետն ու նախարարը եղել են Լոռու մարզի Վանաձոր, Ալավերդի, Թումանյան, Լոռի Բերդ, Ստեփանավան և Գյուլագարակ համայնքներում։ Պաշտոնյաները ծանոթացել է սուբվենցիայի ծրագրերով, պետական բյուջեի միջոցներով և Ասիական զարգացման բանկի աջակցությամբ իրականացվող աշխատանքներին, տվել է մի շարք հանձնարարականներ։ Վանաձոր համայնքում այցելել են կառուցվող թիվ 8 մանկապարտեզի նորմասնաշենքի, Աղայան փողոցի 1 կմ հիմնանորոգվող ճանապարհի շինարարական հրապարակներ,ծանոթացել 2021 թվականին սուբվենցիայի ծրագրերով մեկնարկած աշխատանքների ընթացքին,այնուհետև եղել են նույն համայնքի «Սայաթ Նովայի» անվան վերակառուցվող զբոսայգում,որտեղ ներկայացվել է 43000 քմ մակերեսով այգու արդիականացման աշխատանքները։ Հաջորդ կանգառը եղել է Ալավերդի և Թումանյան համայնքներում, որտեղԱսիական զարգացման բանկի աջակցությամբ հիմնանորոգվել են Սանահին կայարան-Հաղպատ14,16 կմ երկարությամբ ճանապարհը, այդ թվում՝ Ալավերդի քաղաքը շրջանցող զույգ կամուրջները։Այց է եղել նաև Թումանյան-Սանահին կայարանի 9,69 կմ երկարությամբ ճանապարհի շինհրապարակ,որտեղ ներկայում իրականացվում են միջպետական նշանակության ավտոճանապարհի վերականգնմանև բարելավման աշխատանքներ։ Ալավերդի համայնքի Ակներ բնակավայրում՝ դեպի Սանահին վանական համալիրտանող հատվածում, 2022-2023 թվականների ընթացքում նախատեսվում է հիմնանորոգել զբոսաշրջությանզարգացման համար ընտրված, անմխիթար վիճակում գտնվող ճանապարհահատվածը։ Պաշտոնյաներըծանոթացել են նաև այս ճանապարհահատվածում իրականացվող աշխատանքներին, որից հետո այցելելեն Լոռի Բերդ համայնք, որտեղ ավարտվել են 2021 թվականին մեկնարկած Կողես բնակավայրի580 մ երկարությամբ ճանապարհի տուֆ քարով սալարկման աշխատանքները։ Լոռու մարզ կատարած այցի վերջին երկու կանգառները եղել են Ստեփանավանև Գյուլագարակ համայնքները, որտեղ «ՀՀ պետական բյուջեի պետական նշանակության ավտոճանապարհների հիմնանորոգում» ծրագրի շրջանակում համապատասխանաբար իրականացվում են Ստեփանավան քաղաքի կամրջի և Մ-3 միջպետական ճանապարհի, ինչպես նաև Մ-3, Թուրքիայի սահման-Մարգարա-Վանաձոր-Տաշիր-Վրաստանի սահման կմ 144-020-ում գտնվող կամրջի հիմնանորոգման աշխատանքներ։ Նշված երկու համայնքներում աշխատանքների մեկնարկը տրված են․ դրանք կավարտվեն 2022 թվականի նոյեմբերին։ Հանդիպում է եղել նաև տեղի բնակիչների հետ։ Քննարկվել է մթերումների հետ կապված հարցեր, ինչպես նաև հորդոր է հնչել օգտվել գյուղատնտեսության ոլորտում իրականացվող պետական աջակցության ծրագրերից։