ՀՀ ՏԿԵ նախարարի տեղակալ Քրիստինե Ղալեչյանը Նյու Յորքում մասնակցել է Ճանապարհային անվտանգության բարելավման հարցերով ՄԱԿ-ի Գլխավոր ասամբլեայի բարձր մակարդակի հանդիպմանը

ՀՀ տարածքային կառավարման և ենթակառուցվածքների նախարարի տեղակալՔրիստինե Ղալեչյանը մասնակցում է սույն թվականի հունիսի 30-ից հուլիսի 1-ը Նյու ՅորքումՄԱԿ-ի կենտրոնակայանում կազմակերպվող Ճանապարհային անվտանգության բարելավման հարցերովՄԱԿ-ի Գլխավոր ասամբլեայի բարձր մակարդակի հանդիպմանը։ Բարձր մակարդակի հանդիպումը անդրադառնում է Ճանապարհային անվտանգությանոլորտում բացթողումներին և մարտահրավերներին, որը նպատակ ունի մոբիլիզացնել քաղաքականղեկավարությունը և նպաստել Ճանապարհային անվտանգության ոլորտում բազմաոլորտային և շահագրգիռկողմերի համագործակցությանը, ինչը կնպաստի մինչև 2030թ. ճանապարհատրանսպորտային պատահարների հետևանքով զոհերի և ծանր վնասվածք ստացողների թիվի առնվազն 50%-ով նվազեցմանը։ Այսօր ՄԱԿ-ում փոխնախարարը հանդես է եկել ելույթով, որի ընթացքում ներկայացրել է Հայաստանի ճանապարհային անվտանգության ոլորտում առկա մարտահրավերներ, որոնք վերաբերում են և՛ ենթակառուցվածքի բարելավմանը, և՛ ճանապարհատրանսպորտային պատահարների տվյալների կառավարման համակարգին, և՛ հետվթարային խնամքի համակարգին։ Տիկին Ղալեչյանը նշել է, որ Հայաստանը հավատարիմ է մնում ՄԱԿ-ի կողմից սահմանած «Տեսլական զրո» (Vision Zero) և «Անվտանգ համակարգային մոտեցում» (Safe System Approach) քաղաքականության վերջնական նպատակին՝ մինչև 2050 թվականը ճանապարհներին զրո մահեր և լուրջ վնասվածքներ, և մինչև 2030 թվականը ճանապարհներին մահացությունների թիվը կրկնակի կրճատելու նոր միջանկյալ թիրախներին հասնելու համար: Նա նշել է ճանապարհային անվտանգության մարտահրավերներին դիմակայելու համար Հայաստանում բազմաթիվ բարեփոխումներ իրականացնելու նպատակների մասին, որը նախատեսում են ստեղծել ճանապարհային անվտանգության կառավարման արդյունավետ համակարգ և ժամանակակից ինստիտուցիոնալ շրջանակ։ Բարձր մակարդակի հանդիպման ընթացքում քննարկվում են Ճանապարհայինանվտանգության կայուն զարգացման ապահովման համար քաղաքական կամքի դրսևորման անհրաժեշտության և կառավարությունների համակողմանի մոտեցումների, Ճանապարհային անվտանգության ապահովման համար՝ կայուն ներքին ներդրումների, ինչպես նաև կարողությունների զարգացման և աջակցության նպատակով միջազգային ֆինանսավորման ապահովման հետ կապված հարցեր։ Միաժամանակ ՄԱԿ-ի Գլխավոր ասամբլեայի բարձր մակարդակի համաժողովիընթացքում ընդունվելու է համառոտ և գործողությունների վրա հիմնված քաղաքական հռչակագիր,որին միացել է նաև Հայաստանի Հանրապետությունը։