ՀՀ ՏԿԵՆ ՏԻՔ վարչոիթյան պետ Աշոտ Գիլոյանը մասնակցել է «Ապակենտրոնացումը Հայաստանում. նոր օրակարգ՝ Հայաստանում իրականացված տարածքային և վարչական բարեփոխումներից հետո» միջազգային համաժողվին

ՀՀ տարածքային կառավարման և ենթակառուցվածքների նախարարության Տեղական ինքնակառավարման քաղաքականության վարչության պետ Աշոտ Գիլոյանը հունիսի 28-ին մասնակցել է «Ապակենտրոնացումը Հայաստանում. նոր օրակարգ՝ Հայաստանում իրականացված տարածքային և վարչական բարեփոխումներից հետո» միջազգային համաժողվին: Համաժողովի նպատակն էր գնահատել Հայաստանի կառավարության և տեղական իշխանությունների առջև ծառացած ընթացիկ մարտահրավերները՝ քաղաքականության մշակման, ապակենտրոնացման ռազմավարության և գործողությունների ծրագրի ձևավորման գործընթացում շահագրգիռ կողմերի դերի և նրանց միջև փոխգործակցության ապահովման միջոցով: ՏԻՔ վարչության պետ Աշոտ Գիլոյանը ներկայացրել է Հայաստանում վարչատարածքային բարեփոխումների հիմնական շեշտադրումները, որի արդյուքնում համայնքների թիվ 502-ից դարձել է 79-ը և համայնքների մեծ մասը անցում է կատարել համամասնական ընտրակարգի՝ ստեղծելով երկրի տեղական ինքնակառավարման համակարգի նոր համատեքստ։ Քննարկման հիմնական թեմաներն են եղել տեղական ինքնակառավարման մարմինների անմիջական կարիքներն ու խնդիրները, Հայաստանում ապակենտրոնացման տեսլականը՝ ներառյալ ֆինանսական ապակենտրոնացումը։ Համաժողովի ընթացքում քննարկվել են նաև Հայաստանում բարեփոխումների հետագա իրականացման համար անհրաժեշտ այլ հարցեր։ Համաժողովը կազմակերպվել էր Հայաստանի տարածքային կառավարման և ենթակառուցվածքների նախարարության, Եվրոպայի խորհրդի տեղական և տարածքային իշխանությունների կոնգրեսի կողմից՝ Հայաստանում տեղական ինքնակառավարման համակարգի հզորացման ծրագրի շրջանակներում։ «Հայաստանի համայնքների միության հզորացում և թափանցիկ ու մասնակցային տեղական կառավարում» ծրագիրն իրականացվում է Կոնգրեսի կողմից՝ Շվեյցարիայի կառավարության ֆինանսական աջակցությամբ՝ Եվրոպայի խորհրդի Հայաստանի համար իրականացվող 2019-2022 թվականների գործողությունների ծրագրի շրջանակներում։