ՏԿԵ նախարարը ծանոթացել է Երևան-Սևան ավտոճանապարհի 14.56 կմ երկարությամբ հատվածի և կամրջի նորոգման աշխատանքներին

Կոտայքի մարզ կատարած աշխատանքային այցի շրջանակներում ՀՀ տարածքային կառավարման և ենթակառուցվածքների նախարար Գնել Սանոսյան/Gnel Sanosyanը մարզպետ Ահարոն Սահակյանի, Road Department Fund/Ճանապարհային դեպարտամենտ հիմնադրամի գործադիր տնօրեն Գոռ Ավետիսյանի, ճանապարհաշինարարների ուղեկցությամբ ծանոթացել է Երևան-Սևան միջպետական նշանակության ավտոճանապարհի 14.56 կմ երկարությամբ հատվածի միջին նորոգման աշխատանքներին։ Աշխատանքներն իրականացվում են ՀՀ պետական բյուջեի միջոցներով։ Աշխատանքների պայմանագրային արժեքն է 669 մլն 900 հազար դրամ է։ Միջին նորոգումը կատարում է «Լեոպոլդ և ընկերներ» ՍՊԸ-ն։ Ավարտը նախատեսված է 2022թ. ընթացքում։ Նախարարը ծանոթացել է նաև Երևան – Սևան միջպետական ավտոճանապարհի կմ 14+796 հատվածում գտնվող կամրջի վերանորոգման աշխատանքներին, որը կատարում է «Կամուրջշին» ՍՊԸ-ն։ Շինաշխատանքների պայմանագրային արժեքը՝ 113 մլն 775 հազար ՀՀ դրամ է, ֆինանսավորվում է ՀՀ պետական բյուջեից։