Անցկացվել է «Մարզերի սոցիալական զարգացման մակարդակի ցուցիչների համակարգը որպես մարզի համաչափ զարգացման ապահովման գործիք» հետազոտության համակարգող թիմի հետ հերթական հանդիպումը

ՀՀ տարածքային կառավարման և ենթակառուցվածքների նախարար Գնել Սանոսյանը, նախարարի տեղակալ Վաչե Տերտերյանը և մի շարք աշխատակիցներ հանդիպում-քննարկում են ունեցել «Մանուկյան Սիմոն» հետազոտական հիմնադրամի աջակցությամբ իրականացվող «Մարզերի սոցիալական զարգացման մակարդակի ցուցիչների համակարգը որպես մարզի համաչափ զարգացման ապահովման գործիք» հետազոտության համակարգող թիմի հետ։ Համակարգող թիմի կողմից քննարկման ընթացքում ներկայացվել է հետազոտության սկզբնական փուլի հաշվետվությունը, մեթոդաբանությունը, իրականացված վերլուծությունները, կիրառված մոդելները։ Հանդիպման ավարտին պայմանավորվածություն է ձեռք բերվել հաջորդ շաբաթվա ընթացքում կազմակերպել ևս մեկ հանդիպում։