Նորություններ

Այցեր ԵՎ ելույթներ

Գիտելիքի և դպրության օրվա առթիվ Դավիթ Լոքյանն այցելել է Երանոս համայնքի միջնակարգ դպրոցներ

05.09.2016

ՀՀ տարածքային կառավարման և զարգացման նախարար Դավիթ Լոքյանն այսօր այցելել է Գեղարքունիքի մարզի Մարտունու տարածաշրջանի Երանոս համայնքի թիվ 1 և թիվ 2 միջնակարգ դպրոցներ: Գեղարքունիքի մարզպետ Ռաֆիկ Գրիգորյանի հետ միասին նախարար Լոքյանը ներկա է գտնվել Գիտելիքի և դպրության օրվան նվիրված տոնական միջոցառմանը: Այցելության շրջանակներում Դավիթ Լոքյանը հանդիպել է ուսուցչական անձնակազմի և աշակերտների հետ: Շնորհավորելով Գիտելիքի և դպրության օրվա կապակցությամբ՝ նախարար Դավիթ Լոքյանը նրանց մաղթել է հաջողություններով լի ուսումնական տարի:

Ի տարբերություն թիվ 1 միջնակարգ դպրոցի, որի շենքային պայմանները բավարար են ուսումնական գործընթացը պատշաճ կերպով կազմակերպելու համար, Երանոսի թիվ 2 դպրոցի շենքը վթարային է: Նախարար Լոքյանը տեղեկացրել է, որ թիվ 2 միջնակարգ դպրոցն արդեն ընդգրկված է ՀՀ կառավարության և Ասիական զարգացման բանկի՝ դպրոցների սեյսմիկ անվտանգության բարելավման ծրագրի շրջանակներում սեյսմակայունության տեսակետից առավել վտանգավոր դպրոցների ցանկում:
Երանոս համայնքի թիվ 1 և թիվ 2 միջնակարգ դպրոցները ՀՀ տարածքային կառավարման և զարգացման նախարարության կողմից ստացել են մեկական համակարգիչ` համապատասխան պարագաներով:
Այցելության շրջանակներում նախարար Դավիթ Լոքյանը հանդիպել է նաև համայնքի բնակիչների հետ, ծանոթացել նրանց հուզող խնդիրներին:


 

← Վերադառնալ ցուցակին

Թեժ գիծ

Ռուզաննա Հովհաննիսյան` Փաստաթղթերի հսկողության և արձանագրային բաժնի մասնագետ: Հեռ (010)-51-13-79 ----------------------------- Մաքուր Հայաստան ծրագրի հարցերով կարող եք զանգահարել Հեռ (010)-51-13-98

Բաժանորդագրում նորություններին