Նորություններ

Լրատվություն

2008-ին՝ Վազգեն Ա Ամենայն Հայոց կաթողիկոսի 100-ամյա հոբելյանը

02.04.2008

Այսօր տեղի է ունեցել Վազգեն Ա Ամենայն Հայոց կաթողիկոսի 100-ամյակի նշումը նախապատրաստող հոբելյանական հանձնաժողովի առաջին նիստը: Հանձնաժողովի նախագահ, ՀՀ վարչապետ Սերժ Սարգսյանի հանձնարարությամբ այն վարել է ՀՀ փոխվարչապետ, տարածքային կառավարման նախարար Հովիկ Աբրահամյանը:

Տարվա ընթացքում հոբելյանական միջոցառումներ կանցկացվեն Հայաստանյայց Առաքելական Սուրբ եկեղեցու թեմերում եւ ՀՀ մարզերում, Մայր Աթոռ Սուրբ Էջմիածնում կմատուցվի պատարագ, կթողարկվի հոբելյանին նվիրված հուշադրամ: Վազգեն Ա Ամենայն Հայոց կաթողիկոսի 100-ամյակին նվիրված հոբելյանական երեկոն տեղի կունենա 2008թ. հոկտեմբերին` Ալ. Սպենդիարյանի անվան օպերայի եւ բալետի ազգային ակադեմիական թատրոնում:

Նախատեսվում է կազմակերպել նաեւ հոգեւոր երաժշտության փառատոն, լուսանկարչական, արխիվային նյութերի ցուցադրություններ, հրատարակել Վազգեն Ա-ի երկերի լիակատար ժողովածուն: Երեւանում եւ Էջմիածնում փողոցներից մեկը կանվանակոչվի Վազգեն Ա. Վեհափառի անունով, ԵՊՀ աստվածաբանական ֆակուլտետում կսահմանվի Վազգեն Ա. Վեհափառի անվամբ կրթաթոշակ:

Քննարկված ծրագրի նախագիծը կներկայացվի հոբելյանական հանձնաժողովի նախագահի հաստատմանը:

ՀՀ տարածքային կառավարման նախարարության հասարակայնության հետ կապերի բաժին

← Վերադառնալ ցուցակին

Թեժ գիծ

Հեռ. (010)51-13-79

Բաժանորդագրում նորություններին